Կրեմլի մամուլի ծառայությունը հայտնում է, որ ՌԴ նախագահ Վլադիմիր Պուտինը Ադրբեջանի նախագահ Իլհամ Ալիևի հետ հեռախոսազրույցում քննարկել է իրավիճակը Դաղստանի սահմանամերձ շրջաններում, որտեղ կուտակվել են մեծ թվով ադրբեջանցիներ, որոնք ձգտում են տուն մեկնել։
«Քննարկվել է ոչ պարզ իրավիճակը, որ ստեղծվել է Դաղստանի սահմանմերձ շրջաններում, որտեղ կուտակվել են Ադրբեջանի մեծ թվով քաղաքացիներ, որոնք ուզում են տուն գնալ։ Պայմանավորվել են հանձնարարել երկու երկրների պրոֆիլային նախարարություններին և գերատեսչություններին տարածքային իշխանությունների հետ օպերատիվորեն մշակել սրա հետ կապված բոլոր հարցերը»,- ասվում է հաղորդագրության մեջ։
Նշենք, որ զրույցը տեղի է ունեցել ռուսական կողմի նախաձեռնությամբ։