Արագ ընթերցում
- Ամսաթիվ և ժամ: 2025 թ. օգոստոսի 24, ժամը 02:15
- Դեպք: Ռուսական կործանիչի վթար Երևանում
- Վայր: Արշակունյանց պողոտա
- Վնաս: Բախվել է մետաղական սյան ու ճաղավանդակին
- Տուժածներ: Բարեբախտաբար չկան
- Իշխանություններ: Էրեբունի օդանավակայանի ճանապարհը փակվել է
Օգոստոսի 24-ի վաղ առավոտյան արտակարգ դեպք է գրանցվել Երևանում։ Ժամը 02:15-ի սահմաններում ռուսական ռազմական ինքնաթիռը՝ կործանիչը, Արշակունյանց պողոտայում բախվել է մետաղական սյանը, ապա ճաղավանդակին։
Ըստ նախնական տեղեկությունների՝ բարեբախտաբար, տուժածներ չկան։ Դեպքի վայրում աշխատել են ՀՀ Ներքին գործերի նախարարության ոստիկանության պարեկային ծառայության Երևանի գնդի առաջին գումարտակի պարեկները՝ գումարտակի հրամանատար Գոռ Առաքելյանի գլխավորությամբ, ինչպես նաև ՀՀ ՊՆ Ռազմական ոստիկանության ծառայողները։
Նրանց գործողություններով Էրեբունի ռազմական օդանավակայան տանող ճանապարհը ժամանակավորապես դադարեցվել է՝ անվտանգությունն ապահովելու համար։
Դեպքի վայրից լուսանկարները և տեսանյութը հրապարակել է ֆոտոլրագրող Գագիկ Շամշյանը։ Նկարներում երևում է, թե ինչպես է կործանիչը վնասել մետաղական կառույցներն ու դադարեցրել երթևեկությունը։
Ծանուցում․ ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ դատարանի՝ օրինական ուժի մեջ մտած դատավճռով՝ ՀՀ քրեական դատավարության օրենսգրքով սահմանված կարգով։
Աղբյուր՝ Shamshyan.com