Վրաստանի նախկին նախագահ և Օդեսայի մարզի նախկին նահանգապետ Միխեիլ Սաակաշվիլին Ուկրաինայի նորընտիր նախագահ Վլադիմիր Զելենսկուն խորհուրդ է տվել հրաժարվել Ռուսաստանի հետ բանակցություններից:
Սաակաշվիլի կարծում է, բանակցությունները ոչինչ չեն տալու, որոբհետև Ռուսաստանն «ունակ չէ պայմանավորվածությունները պահելու»:
Նա նաև կոչ է արել Զելենսկուն կենտրոնանալ Պյոտր Պորոշենկոյի դեմ պայքարի վրա, որը իբր ռևանշ վերցնելու հույս ունի նախագահական ընտրություններում պարտության համար:
«Ուկրաինան ստվերային պետություն է: Զելենսկուն ասում են. «Բարի գալուստ ակումբ, մտիր մեր կուլիսներ, մենք այնտեղ ամեն ինչ կլուծենք»: Այն, ինչ արեց Պորոշենկոն՝ դա այն էր, որ ամենուրեք դրեց իր մարդկանց: Օրինակ՝ հանեց Սահմանադրական դատարանի նախագահին և անցկացրեց իրեն չեզոք մարդու»։
Սաակաշվիլիի կարծիքով այդ բոլորը հաշվարկված է ռևանշի համար։