Արցախի տեղեկատվական շտաբի Facebook-ի էջում գրված է․
«Հուլիսի 23-ից Մարտակերտի շրջանի Հաթերքի համայնքում կիրառվում են մուտքի և ելքի ժամանակավոր սահմանափակումներ:
Այսօր, մինչ կեսօր, այդ սահմանափակումներից բացառություն է արվել Հաթերքում մշտական բնակության իրավունք ունեցող կամ փաստացի բնակվող անձանց համար՝ թույլատրելով նրանց մուտքը համայնք:
Համայնքում ելքի ու մուտքի հատուկ ռեժիմ սահմանելու անհրաժեշտությունն առաջացել է տեղում կազմակերպված սգո արարողությանը մասնակցած անձանց մոտ կորոնավիրուսի հայտնաբերման պատճառով: Վարակակիրները ՀՀ-ից են ժամանել, և արարողությանը մասնակցելուց հետո է ստացվել նրանց վերաբերյալ ՊՇՌ թեստի դրական պատասխանը: Կորոնավիրուսով հիվանդ քաղաքացիներն անմիջապես ուղարկվել են բնակության վայրի բուժհաստատություն: Եվ քանի որ սգո արարողության ժամանակ վարակակիր անձինք ունեցել են շփման մեծ շրջանակ, այդ պատճառով համայնք ելքն ու մուտքը սահմանափակվել է: Անմիջական շփում ունեցած անձանց տեղափոխել են մեկուսացման վայրեր:
Առողջապահության նախարարության մասնագետները, ինչպես նաև Մարտակերտի շրջանի արագ արձագանքման խումբը դեպքի առնչությամբ շարունակում է անհրաժեշտ աշխատանքները:
Հիշեցնենք, որ երեկ, ի կատարումն ԱՀ պարետի 2020թ.հուլիսի 23-ի որոշման, ԱՀ ոստիկանության կողմից Մարտակերտի շրջանի Գետավան և Զագլիկ համայնքներից Հաթերքի համայնք տանող ճանապարհների մուտքի մոտ տեղադրվել են հատուկ անցակետեր՝ անձանց ու տրանսպորտային միջոցների շարժը վերահսկելու նպատակով»։
https://www.facebook.com/ArtsakhInformation/posts/166200415020747?__cft__[0]=AZWE5WCtotLyBTvYq_x7W44qq6BVLF7yvbOMJq4Dbcq4ZSHYyrUzbT49XfP_3hTv9YFE2y0mED9aF9i3SVnAvTAnom30VPR02_n1sN9G6CtDC26wN3VhrUJUBtCNhabP7T07N6GhouNWKFtVKI-hiVVVvZnb0lf8GlLnmKlHCTD15g&__tn__=%2CO%2CP-R