Ասկերանի շրջանի Իվանյան համայնքում շարունակվում են արագ հավաքովի առանձնատների կառուցման շինաշխատանքները: Այս մասին հայտնել է Արցախի քաղաքաշինության նախարարությունը:
«Իվանյան համայնքի վարչական տարածքում կառուցվող նոր թաղամասում 107 բնակելի տներից 9-ը կլինեն թեթև կոնստրուկցիաներով արագ հավաքովի առանաձնատներ:
- Կառուցվում է Արցախի Խրամորթ համայնքը շրջկենտրոնին կապող նոր ավտոճանապարհը
- Արցախի Իվանյան համայնքում շինարարական աշխատանքներն ակտիվ ընթացքի մեջ են
Նշված առանձնատներից մեկն արդեն պատրաստ է, որի կառուցումն իրականացվել է ԱՄԷ-ից ժամանած մասնագետների օժանդակությամբ։ Եվս երկուսի կառուցման աշխատանքները ներկայումս շարունակվում են։
Ծրագիրը պիլոտային է և իրականացվում է բարեգործական միջոցներով։ Հետագայում, ելնելով նպատակահարմարությունից, հնարավոր է նախագիծն ընդլայնվի՝ իրականացվելով նմանատատիպ առանձնատների մեծաքանակ կառուցապատում։
Առանձնատների շինարարությունն իրականացվում է «Ստրոյ Պրոյեկտ» ՍՊԸ-ի կողմից»,- ասվում է հաղորդագրության մեջ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
