Մադրիդի «Ատլետիկոյի» գլխավոր մարզիչ Դիեգո Սիմեոնեն Չեմպիոնների լիգայի 1/8 եզրափակչի թիմերի՝ «Ինտերի» հետ փետրվարի 20-ին կայանալիք խաղից առաջ կիսվել է սպասելիքներով:
«Մենք խաղալու ենք շատ ուժեղ մրցակցի դեմ, «Ինտերը» Եվրոպայի լավագույն թիմերից մեկն է, որն անցած մրցաշրջանում հասել է Չեմպիոնների լիգայի եզրափակիչ և այս մրցաշրջանում շատ լավ է հանդես գալիս Սերիա Ա-ում:
Նրանք հաղթեցին Իտալիայի Սուպերգավաթը և այս մրցաշրջանում միայն մեկ խաղում պարտություն կրեցին: «Ինտերը» պարզ ֆուտբոլ է խաղում, բայց դա շատ արդյունավետ է։ Բացի այդ, այս թիմն ունի անհատականություն, որը մարզիչն է սերմանել նրանց մեջ։
Ինձ ամեն ինչ դուր է գալիս «Ինտերում». Նրանք հիանալի թիմային ոգի ունեն, և նրանց կիսապաշտպանությունը մեծ տեմպ է ցուցադրում: Նրանք շատ արդյունավետ հարձակում ունեն»,- Սիմեոնեի խոսքերն է մեջբերում Football Italia-ն։
ԽՈՐՀՈւՐԴ Է ՏՐՎՈւՄ ԿԱՐԴԱԼ
