Սննդակարգ իմունիտետի համար

Իմուն համակարգը անհատական է յուրաքանչյուրի համար, այն լավ պահպանելու համար հանհրաժեշտ է ընդունել առողջ սնունդ: Դիետոլոգները պնդում են, որ սնունդը պետք է լինի հավասարակշռված՝ ներկայացված լինեն բոլոր էլեմենտները: Որպեսզի օրգանիզմը հակազդի անբարենպաստ պայմաններին, պետք է ստանա բոլոր անհրաժեշտ նյութերը՝ ճարպեր, սպիտակուցներ, ածխաջրատներ, վիտամիններ, միներալներ: Ռացիոնը լրացուցիչ ենթարկելով հավասարակշռության՝ շեշտը դնում ենք կենդանական և բուսական սպիտակուցների վրա՝ միս, ձուկ, ձու, սոյա, սունկ, ընդեղեն և այլն:

Օրական 1,5 գ՝ կիլոգրամ զանգվածի հաշվով, սպիտակուցի քանակը բավարար է ձեր իմունիտետը ամուր պահելու համար, քանի որ հակամարմինները օրգանիզմում սինթեզվում են ամինոթթուներից: Եթե սպորտով չեք զբաղվում, այս քանակը բավարար է: Շեշտ պետք է դնել նաև օգտակար ճարպերի վրա՝ կենդանական ու բուսական: Ռացիոնում տեղ պետք է գտնի կենդանական ճարպը, որի օրական 30 գրամ ընդունումը կազմվածքի վրա էական չի ազդի, բայց իմուն համակարգը կամրացնի, օրինակ` կարագ, սալ, յուղոտ ձկնեղեն:

Անհրաժեշտ է ընդունել նաև բուսական ճարպեր, որը կա ընկույզներում, ավոկադոյում, արևածաղկի սերմերում, տարբեր ձեթերի մեջ: Ճարպերն անհրաժեշտ են լիմֆոցիտների, մակրոֆագերի, մեր օրգանիզմը պաշտպանող այլ բջիջների թաղանթների ձևավորման համար: Ճարպերը նույնպես պետք չէ չարաշահել:

Բարդ ածխաջրատներն ու բջջանքը նույնպես անհրաժեշտ են իմունիտետը ամրացնելու համար: Այն ստանում ենք հում բանջարեղենից և մրգերից, հացազգիների թեփերից, նրանցից՝ խոշոր աղացված ալյուրից պատրաստված հացից: Այս բոլորը դրական են ազդում աղիների աշխատանքի վրա, էներգիայի աղբյուր են և իմուն համակարգի բջիջների շինանյութ:

Սթրեսի և օրգանիզմի բարձր ակտիվության ժամանակ վերը նշված սննդով և խմորիչով կստանանք В խմբի վիտամիններ, հատկապես՝ В6: Իմուն համակարգին անհրաժեշտ է նաև այլ վիտամիններ՝А, Е, С, որոնք համարվում են անտիօքսիդանտ, բարձրացնում են դիմադրողականությունը: Այդ պատճառով ռացիոնում ընդունեք՝ ցիտրուսներ, մասուրի թուրմ, քաղցր պղպեղ, գազար, խնձոր, կաղամբներ, թարմ կանաչի, կիվի, ձողաձկան լյարդ և այլն:

Vit P ընդունելու համար, ամռանը սննդակարգում ավելացրեք՝ հաղարջ, սմբուկ, սեխ, խաղող, մոշ, կարմիր գինի: Անհրաժեշտ է այստեղ ավելացնել լորի ձուն, որը ոչ միայն սպիտակուց է, այլ նաև վիտամին A, E, ինչպես նաև Zn, որը կա ցիտրուսների, խնձորի, թզի, ծովատառեխի մեջ:

Իմունիտետի ամրապնդմանն անհրաժեշտ միկրոէլեմենտ է նաև սելենը, որը գտնվում է սալի, գետնանուշի, չորացրած սպիտակ սունկի, սխտորի, եգիպտացորենի մեջ, որոնք հանդիսանում են անտիօքսիդանտ և խթանում են հակամարմինների կազմավորմանը:

Իմուն համակարգի լավ աշխատանքի համար կարևոր է արյան շրջանառությունը, որի մակարդակը լավ պահելու համար անհրաժեշտ է ռացիոնում ընդունել մեղր և երկաթ պարունակող սնունդ։ Օրինակ՝ հնդկաձավար և նուռ:

Անհրաժեշտ է ընդունել նաև Са և մագնի պարունակող սնունդ, որոնք ապահովում են ներվային իմպուլսների փոխանցումը, այն կա կաթնամթերքներում, կանաչ տերևային բանջարեղենում, ընկույզների որոշ տեսակներում, ծովային կաղամբում, ձվի դեղնուցում, ձիթապտղում:

Միկրոէլեմենտներից կարևորվում է նաև կալին, որն անհրաժեժտ է բջիջներին, հատկապես սրտին: Այն գտնվում է կարտոֆիլի, հատկապես՝ թարմ, բանանի, չրեղենի մեջ: Սնունդով ստացվող վիտամիններն ու միներալները դյուրամարս են, բայց մեծ քանակություն չեն կազմում, այդ պատչառով իմուն համակարգի կրիտիկական ժամանակահատվածում օրգանիզմին աջակցեկու համար անհրաժեշտ է սինթետիկ վիտամինա-միներալային կոմպլեքսներ, որոնք պետք են ստանալ բժշկի կոնսուլտացիայից հետո:

Սնվեք հնարավորինս ճիշտ, իզուր չի ասված՝ մարդու իմունիտետի մեծ մասը գտնվում է աղիներում: Իմուն համակարգը ամուր պահելու համար սննդակարգում հնարավորինս ավելացրեք կաթնաթթվային սնունդ, որոնք պարունակում են օգտակար բակտերիաներ: Նույնիսկ մեկ-երկու շաբաթ օգտագործելով՝ կարելի է մոբիլիզացնել օրգանիզմի պաշտպանիչ ուժերը:

Եղեք առողջ