Արցախի տեղեկատվական շտաբը Facebook-ում հայտնում է, որ չնայած ոչ բարենպաստ եղանակին երկրում կորոնավիրուսի տարածման կանխարգելման աշխատանքները շարունակվում են և այս անգամ ախտահանվել են շուկաները:
«Չնայած ոչ բարենպաստ եղանակային պայմաններին՝ մայրաքաղաք Ստեփանակերտում շարունակվում են ըստ ժամանակացույցի նախատեսված կանխարգելիչ միջոցառումները, որոնցում ներգրավված են Ստեփանակերտի քաղաքապետարանի ենթակայության տակ գործող երեք ընկերություն:
Այսպես՝ «Բնակարանային շահագործման տնտեսություն» ՓԲԸ կողմից քլորի լուծույթով ախտահանվել է Իսակովի փողոցում գործող գյուղմթերքի շուկան, իսկ «Ջերմային տնտեսություն» և «Սանմաքրում» ընկերությունների կողմից՝ կենտրոնական շուկայի տարածքը:
Մայրաքաղաքի ողջ տարածքում նմանօրինակ կանխարգելիչ աշխատանքները կրելու են շարունակական բնույթ»:
https://www.facebook.com/ArtsakhInformation/posts/123031029337686?__xts__[0]=68.ARAPAGUENPv3zBm2EJPRNCbZJtq0nHKCPUZ-WmIUJUorHJXsvQ5O9LuuDXYeB4quydSIPzjU6a3rJpeNNIogvqo27sDwxG6TR8ZZN4LH1CLd2FxWquRP3xib56FIbd6OWFpnXeaUeyJcvkY4-8tIkWLkfgp1yNH2HvsmzZYLqjLlVnamNIK9lIJhaBaodnLNiE-1EF-bl6Z1MCsrEfD0w9P3l3QkIFPDuJ83AGySo_DOdFq191hBznjIQ-YfcCJVEzgEfzcBwugpZBWfHp1qpCVYZ79gL4L1UArgb9pu3gUG3TNpj12NZRODrZz4_c6MsbeBPnwNOU4uSB_d83v0MRk&__tn__=-R
