Ֆրենկ Կեսիեն բացատրել է, թե ինչու է տեղափոխբել «Բարսելոնա»։
«Ինձ ջերմորեն ընդունեցին այստեղ։ Ամեն ինչ լավ է ընթանում՝ ինձ սիրով ընդունեցին, դա երկրորդ ընտանիքի պես է։ Նրանք փորձում էին ինձ համար ամեն ինչ հնարավորինս պարզեցնել։ Թիմակիցների ու մարզչական շտաբի հետ շփումը լավ է ընթանում։
Չէի ասի, որ ինձ զարմացրել է «Բարսելոնայի» խաղաոճը։ Նույնիսկ դրսից հասկանում ես, որ սա հիանալի թիմ է, որ սա երազանք է։ «Բարսելոնան» ունի ինքնություն, որը չի փոխվում և միշտ նույնն է մնում:
«Բարսելոնան» թիմ է, որը ստեղծվել է հաղթելու համար։ Երբ ակումբը հրավիրում է քեզ, դու չես վարանում: Ինձ համար սա աշխարհի լավագույն ակումբն է։ Թիմը շատ նորեկներ ունի, և մենք ամեն ինչ կանենք, որպեսզի օգնենք «Բարսային» կատարելագործվել»,- ասել է կիսապաշտպանը ակումբի մամուլի ծառայությանը: