Sky Italia-ի հաղորդմամբ՝ «Յուվենտուսի» ղեկավարությունը բանակցություններ է սկսել վարել կատալոնական «Բարսելոնայի» և Ուրուգվայի ազգային հավաքականի հարձակվող Լուիս Սուարեսի ներկայացուցիչների հետ:
Ակումբը հայտնել է 33-ամյա հարձակվողին, որ ակումբը պատրաստ չէ նրան վճարել տարեկան 10 միլիոն եվրոյից ավել աշխատավարձ: «Բարսելոնայում» Սուարեսի աշխատավարձը կազմում է տարեկան 10 միլիոն եվրո:
«Բարսելոնան» Լուիս Սուարեսի վաճառքից ստացվելիք գումարը մտադրություն ունի օգտագործել Միլանի «Ինտերի» արգենտինացի հարձակվող Լաուտարո Մարտինեսին ձեռք բերելու նպատակով:
Լուիս Սուարեսի տեղափոխությամբ հետաքրքրված է նաև նրա նախկին ակումբը՝ հոլանդական «Այաքսը»։
