«Արմենպրես»-ի հետ զրույցում ՀՀ վարչապետի մամուլի խոսնակ Մանե Գևորգյանը նշել է, որ Բելառուսի նախագահ Ալեքսանդր Լուկաշենկոյի հետ Մինսկում հուլիսի 17-ին հանդիպած ՀՀ վարչապետ Նիկոլ Փաշինյանին և կառավարական պատվիրակության մյուս անդամներին լրացուցիչ թեստավորելու կարիք չկա:
Հիշեցնենք, որ Բելառուսի նախագահ Ալեքսանդր Լուկաշենկոն հայտարարել է, որ վարակվել ու հաղթահարել է կորոնավիրուսը։
«Մինսկից Երևան ժամանելուց հետո Հայաստանի պատվիրակության բոլոր անդամները հանձնել են կորոնավիրուսի թեստ, որոնց պատասխանները եղել են բացասական և այս պահին թեստավորման անհրաժեշտություն չկա»,- ընդգծել է խոսնակը։
Վարչապետ Նիկոլ Փաշինյանի գլխավորությամբ՝ ՀՀ կառավարական պատվիրակությունը հուլիսի 16-17-ը եղել է Մինսկում, մասնակցել Եվրասիական տնտնեսական միության միջկառավարական խորհրդի նիստին: Այդ ընքացում Նիկոլ Փաշինյանը հանդիպել է Ալեքսանդր Լուկաշենկոյին։