Белта լրատվական կայքը հայտնում է, որ Բելառուսի նախագահ Ալեքսանդր Լուկաշենկոն հայտարարել է, որ հաղթահարել է կորոնավիրուսը։
«Ներողություն եմ խնդրում ձայնիս համար: Վերջին շրջանում ստիպված եմ լինում շատ խոսել: Բայց ամենազարմանալին այն է, որ այսօր դուք հանդիպում եք մի մարդու, որը ոտքի վրա, ասիմպտոմ հաղթահարել է կորոնավիրուսը»,- նշել է Լուկաշենկոն Ներքին գործերի նախարարության զորամասերից մեկի այցի ժամանակ:
Լուկաշենկոն ընդգծել է, որ այս եզրակացությանը եկել են երեկ բժիշկները։
Նախագահը հավելել է, որ բնակչության 97%-ն ասիմպտոմ է հաղթահարում կորոնավիրուսը:
«Վերջապես, ես էլ մտա ոսկե ֆոնդի մեջ՝ վարակը հաղթահարելով»,- նշել է Բելառուսի նախագահը:
