Սպորտ

Տոկիո-2020-ի կազմակերպիչները կպայքարեն շոգի դեմ

Ճապոնիայի մայրաքաղաք Տոկիոյում անցկացվելիք 32-րդ ամառային Օլիմպիական խաղերում ուժեղ շոգի պայմաններում կարող են օգտագործվել ձյուն արտադրող մեքենաներ, որպեսզի հանդիսատեսի համար ավելի հարմարավետ լինի մրցումներին հետևելը, հաղորդում է Reuters-ը:

Մեքենաները գործի կանցնեն, եթե օդի ջերմաստիճանը գերազանցի 30 աստիճանը: Սեպտեմբերի 13-ին Տոկիոյում տեղի կունենա նմանատիպ փորձարկում, որի ընթացքում մեքենաները կարտադրեն 2 տոննա ձյուն:

Նշվում է նաև, որ մարաթոնյան վազքի մասնակիցները մեկնարկի դուրս կգան տեղական ժամանակով առավոտյան ժամը 06:00-ին՝ շոգից խուսափելու համար: Մրցատարածության որոշ հատվածներում կգործեն հովացնող համակարգեր, որոնք 8 աստիճանով կնվազեցնեն ջերմաստիճանը:

Հիշեցնենք, որ Տոկիո-2020 Օլիմպիական խաղերը կանցկացվեն 2020թ. հուլիսի 24-ից օգոստոսի 9-ը:

Այս մասին տեղեկացնում են ՀԱՕԿ պածտոնական կայքից։

ՎԵՐՋԻՆ ԼՈւՐԵՐ

ՎԵՐԵՎ