Թուրքիայի ներքին գործերի նախարար Սուլեյման Սոյլուն հայտնել է, որ Թուրքիայում ժամանակավորապես բնակություն հաստատած սիրիացի փախստականների թիվը անցել է 3 մլն 600 հազարը: Այս մասին հաղորդում է թուրքական Hurriyet-ը:
Նախարարը նշել է նաև, որ իրենց կողմից Սիրիայի հյուսիսում իրականացված «Եփրատի վահան» և «Ձիթենու ճյուղ» ռազմական գործողությունների շնորհիվ Սիրիայում ստեղծված անվտանգ շրջաններ մինչ օրս վերադարձել է 354 հազար սիրիացի:
Նա ասել է, որ այս տարվա ընթացքում ավելի քան 270 հազար ապօրինի միգրանտ է փորձել մուտք գործել Թուրքիա:
Թուրքիան Սիրիայի հյուսիսային շրջանները «Իսլամական պետություն» խմբավորման զինյալներից մաքրելու պատրվակով 2016-2017 թվականների ընթացքում իրականացրել է «Եփրատի վահան» անունը կրող ռազմական գործողությունները, որի շրջանակներում հարվածներ են հասցվել Սիրիայի քրդերին:
Գործողությունները սկսվել էին սահմանային Ջերաբլուս քաղաքից, ապա թուրքական զորքերը մտել էին Էլ-Բաբ: Ավելի ուշ՝ 2018 թվականին, նույն պատրվակով թուրքական բանակը ռազմական գործողություններ էր սկսել Աֆրինի շրջաններում, որը ստացել էր «Ձիթենու ճյուղ» անվանումը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
