UEFA-ն նախատեսում է փոփոխություններ կատարել Չեմպիոնների լիգայի և Եվրոպայի լիգայի հիմնական մրցաշարերի որակավորման հետ՝ կապված կորոնավիրուսային համաճարակի հետ:
Ընտրական փուլերի քանակը կարող է կրճատվել, իսկ վատագույն դեպքում պլանավորված է որակավորման մրցաշարերը չեղյալ հայտարարել:
Եվրոպական ֆուտբոլային ասոցիացիաների միությունն արդեն հետաձգել է Չեմպիոնների լիգայի 2020/21-ի մեկնարկը, որը կայանալու էր հոկտեմբերի 20-ին: Այնուամենայնիվ, անորոշ է մնում այն հարցը, թե արդյոք ընտրական փուլերը տեղի կունենան ըստ պլանավորածի, թե ոչ:
Չեմպիոնների լիգայի գլխավոր մրցաշարի 32 տեղերից միայն 6-ն են որակավորված թիմեր: Ազգային լիգաներում ելույթների հիման վրա ևս 24 ակումբ ինքնաբերաբար մտնում է խմբային փուլ։ Չեմպիոնների լիգայի և Եվրոպայի լիգայի նախորդ հաղթողները նույնպես մտնում են խումբ:
UEFA-ն ներկայումս քննարկում է սովորական երկուսի փոխարեն մեկ խաղից բաղկացած ընտրական փուլերի անցկացման հարցը:
Մեկ այլ տարբերակ ևս կա. Չեմպիոնների լիգայի փլեյ-օֆի միայն մեկ որակավորման փուլ անցկացնել` բարձրագույն խմբի առաջնության 12 չեմպիոնների մասնակցությամբ, ովքեր ուղղակիորեն չեն կարող մտնել խմբային փուլ: Ակումբները, որոնք այս ձևով չեն կարողանա մրցել հիմնական մրցաշարի տեղի համար, կարող են ստանալ ֆինանսական փոխհատուցում:
Եվրոպայի լիգայում, որտեղ 48 ակումբներից միայն 17-ը խմբային փուլ են մտնում նախօրոք հայտարարված ներքին մրցույթների հիման վրա, իրավիճակը ավելի բարդ է:
Ակնկալվում է, որ որոշումը կկայացվի UFA-ի գործադիր կոմիտեի կողմից մայիսի 27-ին կայնալիք տեսակոնֆերանսի ժամանակ:
Աղբյուրը՝ The Times