Ուհան քաղաքի առողջապահության ներկայացուցիչը կիրակի հայտնել է, որ քաղաքի հիվանդանոցներում, որտեղ սկսվել էր կորոնավիրուսի համաշխարհային պանդեմիան, ներկայում չկա COVID-19-ով հիվանդ։
Առողջապահության ազգային հանձնաժողովի ներկայացուցիչ Մի Ֆենի խոսքով՝ Ուհանում կորոնավիրուսով նոր պացիենտների թիվը գտնվել է զրոյական մակարդակում։
«Ապրիլի 26-ին Ուհանում կորոնավիրուսով նոր պացիենտների թիվը գտնվել է զրոյական մակարդակում բնակչության և ամբողջ երկրի առողջապահական անձնակազմի համատեղ ջանքերի շնորհիվ»,- նշել է Առողջապահության ազգային հանձնաժողովի ներկայացուցիչ Մի Ֆենը։
Նշենք, որ մինչ օրս քաղաքում հաստատվել է կորոնավիրուսի 46 452 դեպք՝ ընդհանուր թվի 56 տոկոսը։ Մահացել է 3869 մարդ՝ Չինաստանում կորոնավիրուսից զոհերի 84 տոկոսը։
Աղբյուրը՝ Reuters.