Մեծ Բրիտանիան, Ֆրանսիան, Գերմանիան և Թուրքիան պատրաստ են խաղաղապահ զորքեր ուղարկել Ուկրաինա պատերազմի ավարտից հետո։ Այս մասին հայտարարել է Ուկրաինայի նախագահի աշխատակազմի խորհրդական Միխայիլ Պոդոլյակը։ Նա ընդգծել է, որ միջազգային գործընկերները պետք է մասնակցեն Ռուսաստանին զսպելու գործընթացին, և Ուկրաինան չպետք է միայնակ կրի այդ բեռը։
Պոդոլյակը նշել է, որ հարց է առաջանում՝ ո՞վ է ֆինանսավորելու խաղաղապահ առաքելությունը, և ո՞վ է համակարգելու այդ գործընթացները։ Նրա խոսքով՝ Ֆրանսիան, Գերմանիան և Թուրքիան արդեն հայտնել են իրենց պատրաստակամությունը։ Միևնույն ժամանակ, Կիևի արևմտյան դաշնակիցները դեռևս չեն հասել կոնսենսուսի Ուկրաինայում եվրոպական զորախումբ տեղակայելու հարցում։
Ռուսաստանը կտրականապես դեմ է ՆԱՏՕ-ի զորքերի տեղակայմանը Ուկրաինայում՝ դա համարելով անընդունելի։ Սակայն Ուկրաինայի նախագահ Վլադիմիր Զելենսկին հայտնել է, որ մի քանի երկրներ արդեն մասնավոր կերպով տվել են իրենց պարտավորությունները։