ՏԱՍՍ-ի հաղորդմամբ՝ ՌԴ նախագահ Վլադիմիր Պուտինը հայտարարել է, որ Ռուսաստանի ներդրումը Լեռնային Ղարաբաղի շուրջ հակամարտության կարգավորման գործում վճռորոշ էր։
«Ռուսաստանի վճռորոշ ներդրմամբ հակամարտությունը Լեռնային Ղարաբաղում դադարեցվեց»,- ասել է նա միջազգային անվտանգության հարցերով Մոսկվայի IX համաժողովի մասնակիցներին և հյուրերին հասցեագրված տեսաուղերձում, որը հրապարակվել է Կրեմլի կայքում։
Պուտինը ընդգծել է, որ ռուս խաղաղապահները հուսալիորեն երաշխավորում են խաղաղությունն ու անվտանգությունը տարածաշրջանում, շատ բան են անում մարդասիրական իրավիճակի բարելավման, տարածքների ականազերծման և սոցիալական ենթակառուցվածքների վերականգնման համար: