Վենեսուելայի Կարաբոբո նահանգում ոստիկանության ծառայողները միացել են ցուցարարներին: Այս մասին հայտնել է El Nacional պարբերականը: Ոստիկանները կառավարության դեմ բողոքի ակցիային են միացել նահանգի մայրաքաղաք Վալենսիայում:
Ցուցարարներին է միացել մի քանի տասնյակ ոստիկան ծառայողական մոտոցիկլետներով և ավտոմեքենաներով: Ցուցարարները ոստիկաններին ընդունել են ուրախության բացականչություններով:
Ինչպես ավելի վաղ հայտնել էինք, Վենեսուելայում արդեն մի քանի օր է՝ շարունակվում են բողոքի ակցիաները գործող նախագահ Նիկոլաս Մադուրոյի դեմ: Ցույցեր են կազմակերպել նաև Մադուրոյի կողմնակիցները:
Վերջին տվյալներով՝ ցույցերի ընթացքում զոհերի թիվը հասել է 16-ի: Վենեսուելայի ընդդիմության ղեկավար Խուան Գուաիդոն իրեն հայտարարել է նախագահի պաշտոնակատար:
ԽՈՐՀՈւՐԴ Է ՏՐՎՈւՄ ԿԱՐԴԱԼ
