Այսօր Վիեննայում հանդիպելու են Ռուբինյանն ու Քըլըչը

Այսօր՝ փետրվարի 24-ին, Ավստրիայի մայրաքաղաք Վիեննայում կայանալու է հայ-թուրքական հարաբերությունների կարգավորման գործընթացքում Հայաստանի ներկայացուցիչ Ռուբեն Ռուբինյանի ու Թուրքիայի ներկայացուցիչ Սերդար Քըլըչի 2-րդ հանդիպումը։

Հիշեցնենք, որ առաջին հանդիպումը կայացել էր հունվարի 14-ին՝ Ռուսաստանի մայրաքաղաք Մոսկվայում։ ՀՀ ԱԳՆ-ից հայտնել էին, որ հանդիպումն անցել է կառուցողական մթնոլորտում։

Նշենք, որ Թուրքիայի նախագահ Ռեջեփ Թայիբ Էրդողանը խոսել էր Հայաստանի հետ սահմանները բացելու հնարավորությունից, նշելով, որ այն տեղի կունենան «եթե Հայաստանը հավատարիմ մնա հարաբերությունների բարելավման գործընթացին»։