Ծիրանի չարաշահումը հակացուցված է այն մարդկանց, որոնք խնդիրներ ունեն աղեստամոքսային տրակտի կամ շաքարախտի հետ, այն կարող է խորացնել առողջական խնդիրը։ Այս մասին Մոսկվա 24 պարբերականին ասել է դիետոլոգ Ելենա Սոլոմատինան։
«Շաքարային դիաբետով հիվանդ մարդը, որպես կանոն, դա փոխհատուցում է դեղորայքով։ Պետք է հիշել, որ պետք չէ չափից շատ ուտել»,-պարզաբանել է փորձագետը։
Բացի այդ, ըստ մասնագետի, գաստրիտների, խոցերի, կոլիտի, գրգռված աղիքի համախտանիշի դեպքում, թունավորումից, վիրահատությունից կամ սրման պահին չպետք է տարվել ծիրանով, քանի որ այն կարող է վատթարացնել այս հիվանդությունների ընթացքը։
