Վնասվածքներից վերականգնվել ու ընդհանուր խմբի հետ մարզումներին են վերադաձել Մադրիդի «Ռեալի» կիսապաշտպաններ Էդեն Ազարն ու Խամես Ռոդրիգեսը: Այս մասին հաղորդում է «արքայական» ակումբի մամուլի ծառայությունը:
Հիշեցնենք՝ Ազարը ազդրի մկանային վնասվածք էր ստացել օգոստոսի 16-ին: Ավելի ուշ հայտնի էր դարձել, որ կիսապաշտպանը լքել է Բելգիայի հավաքականի ճամբարը, քանի որ չի կարողացել վերականգնվել նախքան Եվրո-2020-ի ընտրական փուլի շրջանակներում Սան-Մարինոյի ու Շոտլանդիայի հետ խաղերը:
Խամեսը ևս մկանային վնասվածք ուներ, որը ստացել էր օգոստոսի վերջին: Բժիշկները հայտնել էին, որ նրա ապաքինման համար 2-3 շաբաթ է անհրաժեշտ:
Երկու ֆուտբոլիստներն էլ պետք է պատրաստ լինեն Լա Լիգայի 4-րդ տուրի՝ «Լևանտեի» դեմ խաղին, որը նշանակված է սեպտեմբերի 14-ին:
