Ինչպես ավելի վաղ հայտնել են Արցախի տեղեկատվական շտաբից, ադրբեջանական զորքերը շարունակում են մնալ Քարագլխի մի հատվածում ամրացված դիրքերում։
Սահմանային իրավիճակին լրագրողների հետ զրույցում անդրադարձել է Հայաստանի Հանրապետության տարածքային կառավարման և ենթակառուցվածքների նախարար Գնել Սանոսյանը:
Նա ընդգծել է, որ բոլոր կողմերը պետք է ամեն ինչ անեն՝ ադրբեջանական զինվորները վերադառնան իրենց ելման դիրքեր։ «Սա շատ հստակ է», – ասել է Սանոսյանը։
Նախարարի խոսքով՝ նոյեմբերի 9-ի այն դիրքերը, որով կանգնել են զորքերը, խախտվել է թե՛ գյուղի, թե՛ բարձունքի ուղղությամբ։