Վերջին 10 տարում Թուրքիայի խորհրդարանի՝ մեջլիսի շենքի տանիքից ցած նետվելու եղանակով ինքնասպանության փորձ է արել 29 քաղաքացի: Այս մասին հայտնել է մեջլիսի փոխնախագահ Սուրեյյա Սադի Բիլգիչը՝ ի պատասխան ընդդիմադիր քեմալական «Ժողովրդահանրապետական» կուսակցության (CHP-ԺՀԿ) պատգամավոր Գամզե Աքքուշ Իլգեզդիի գրավոր հարցմանը:
Ըստ վիճակագրության հիշյալ շենքի տանիքից ինքնասպանության փորձ են արել
2010-ին – 2,
2011-ին – 3,
2012-ին – 1,
2013-ին – 8,
2014-ին – 1,
2015-ին – 2,
2016-ին – 2,
2017-ին – 1,
2018-ին – 4,
2019-ին – 5 քաղաքացի:
Նշվում է, որ խորհրդարանի տանիքից նետվելու եղանակով ինքնասպանությունները կանխելու համար հատուկ բատուտ է կիրառվում, իսկ շենքի անվտանգության աշխատողները մասնակցում են ինքնասպանության փորձ անողների հետ բանակցություններ վարելու հմտություններ ստանալու դասընթացների:
Գրում է Ermenihaber-ը։
