Միջազգային հանրությունն ասում է, որ Ղարաբաղի հարցը կարգավորված չէ․ Փաշինյան

ՀՀ վարչապետի պաշտոնակատար Նիկոլ Փաշինյանն այսօր կառավարության նիստի ժամանակ խոսեց Արցախի հարցի մասին։

Ըստ Փաշինյանի՝ միջազգային հանրությունը արձանագրել է, որ Ղարաբաղի հարցը կարգավորված չէ ու դեռ պետք է կարգավորվի։

Վարչապետի պաշտոնակատարը նշեց, որ իրենց Կառավարությունն ունի այդ քաղաքական կամքը՝ գնալ և կարգավորել հարցը։ Փաշինյանն ընդգծեց, որ բոլոր այս դժվար, ցավոտ ու խնդրահարույց հարցերի կարգավորումն անհրաժեշտ է երկարաժամկետ խաղաղության ու պատերազմի բացառման համար։