Ադրբեջանի պաշտպանության նախարարը պատրաստվում է մեկնել Պակիստան: Վերջինիս հետ ադրբեջանական կողմը փորձում է զարգացնել դաշնակցային հարաբերությունները։ Մարտի 21-23 ընկած ժամանակահատվածում Ադրբեջանի ՊՆ ղեկավարը կհանդիպի Պակիստանի գործընկերոջ ու այլ պաշտոնյաների հետ։
Նախատեսվում է, որ քննարկումների օրակարգում են լինելու ռազմական, ռազմատեխնիկական ու ռազմակրթական ոլորտի համագործակցության հարցեր։
Ադրբեջանի պաշտպանության նախարարը ներկա է լինելու նաև Պակիստանի բանակի զորահանդեսին, որին մասնակցելու է նաև ադրբեջանական զորախումբ՝ պակիստանյան զինված ուժերի հետ անցնելով հրապարակով։
