ՀՀ նախագահ Արմեն Սարգսյանը հայտարարություն է տարածել հայ-ադրբեջանական սահմանային իրավիճակի լարման ու ադրբեջանական սադրանքի վերաբերյալ։
Նախագահը ցավակցություն է հայտնել զոհված զինծառայողների հարազատներին ու իր աջակցությունն է հայտնել հայակական բանակին։
- Ադրբեջանը մարտական գործողություններ է սկսել ՀՀ սահմանների վրա․ ունենք 3 զոհ
- Ֆրանսիայի մտահոգությունը Հայաստանի սահմաններն են․ դեսպան
«Այս գիշեր Ադրբեջանը հերթական ոտնձգությունն է կատարել Հայաստանի Հանրապետության ինքնիշխանության հանդեպ՝ կրկին հրահրելով ռազմական գործողություններ և հարձակում հայ-ադրբեջանական սահմանին:
Ցավոք, ադրբեջանական զինված սադրանքի հետևանքով կան զոհեր և վիրավորներ:
Հանրապետության նախագահն իր խորին ցավակցությունն է հայտնում մեր զոհված զինվորականների ընտանիքներին ու հարազատներին, իսկ վիրավորներին մաղթում ապաքինում:
Վստահ լինելով, որ մեր երկրի զինված ուժերն ի զորու են համարժեք գործողություններով հակազդել Ադրբեջանի ռազմական սադրանքներին, Հանրապետության նախագահն իր աջակցությունն է հայտնում մեր բանակին, ինչպես նաև երկրի սահմանների ու բնակչության անվտանգության և պաշտպանության հարցերում ներգրավված մյուս բոլոր կառույցներին», – ասվում է հայտարարությունում:
