Անհայտ կորած զինծառայողների ծնողները ակցիա են իրականացնում ԱԱԾ-ի դիմաց

Արցախյան 44-օրյա պատերազմի հետևանքով անհայտ կորած զինծառայողների հարազատները բողոքի ակցիա են իրականացնում Ազգային անվտանգության ծառայության շենքի առջև։

Հարազատներից մեկը լրագրողների հետ զրույցում նշեց, որ անհայտ կորած է 21 զինծառայող, որոնցից միայն 9-ի մարմիններն են գտել, բայց նույնականացրել են միայն 8-ինը, իսկ մեկ զինծառայողի դեպքում դեռ չի ստացվում պարզել, թե ում երեխան է։

Ըստ հարազատի՝ իրենց երեխաները կռվել են Հադրութի շրջանում։

Նա ասել է նաև, որ իրենք իրենց անհայտ կորած հարազատների գտնվելու վերաբերյալ նույնպես փաստեր են հավաքում։