fbpx
Տնտեսություն

Ամերիկայի բանկը հայտարարում է տնտեսական ռեցեսիայից խուսափելու անհնարինության մասին

Ամերիկայի բանկը ներդրողներին նախազգուշացրել է, որ կորոնավիրուսի հետևանքով տնտեսական ռեցեսիայից խուսափելն արդեն անհար է: Այս մասին տեղեկացնում է CNBC-ն:

«Մենք պաշտոնապես հայտարարում ենք, որ տնտեսությունը ռեցեսիայի մեջ է` միանալով մնացած աշխարհին»,- հաղորդում է Ամերիկայի բանկի տնտեսագետ Միշել Մեյերը:

ԱՄՆ տնտեսական վիճակը կվատթարանա երկրորդ եռամսյակում՝ ՀՆԱ-ն նվազելով 12 տոկոսով, իսկ ամբողջ տարվա կտրվածքով այն կնվազի 0.8 տոկոսով:

Կորոնավիրուսի տարածումն արդեն իսկ անկում է առաջացրել համաշխարհային շուկաներում:

Մեյերը հաղորդել է, որ ապրիլին անկում կլինի, որին կհաջորդի «շատ դանդաղ վերադարձն աճին, իսկ հուլիսին տնտեսությունը փոքր-ինչ կնորմալանա»: «Չնայած սա լուրջ անկում է, մենք հավատում ենք, որ այն բավականին կարճ կլինի»,- հավելել է Մեյերը:

Մեյերի պնդմամբ՝ «փրկությունը» ագրեսիվ գործողությունների մեջ է:

ԱՄԵՆԱԴԻՏՎԱԾՆԵՐԸ

ՎԵՐ