ԱՄՆ պետքարտուղար Էնթոնի Բլինքենը հայտարարություն է տարածել՝ կապված Հայաստանի ու Ադրբեջանի միջև ռազմական գործողությունների հետ։
Այս մասին տեղեկանում ենք ԱՄՆ պետքարտուղարությունից։
Նշվում է, որ Ամերիկայի Միացյալ Նահանգները խորապես անհանգստացած է ակտիվ ռազմական գործողությունների մասին հաղորդագրություններով։
ԱՄՆ-ն կողմերին կոչ է անում քայլեր ձեռնարկել լարվածությունը նվազեցնելու, հետագա սրացումներից խուսափելու ու առկա բոլոր խնդիրներին լուծումներ գտնելու համար։
Բլինքենը հղում է կատարել նաև ԵԱՀԿ Մինսկի խմբի համանախագահների նոյեմբերի 15-ի հայտարարությանը ու նշել, որ անհրաժեշտ է համապարփակ լուծում գտնել Լեռնային Ղարաբաղի հակամարտությանը՝ բանակցությունների միջոցով։
