ԱՄՆ-ի պետքարտուղար Մայք Պոմպեոն իր աջակցությունն է հայտնել «Արսենալ»-ի կիսապաշտպան Մեսութ Օզիլին։ Վերջինս քննադատել էր Չինաստանի իշխանություններին երկրի արևմուտքում բնակվող թրքալեզու ույղուրների հանդեպ կիրառվող ճնշումների համար:
«Իշխանամետ հեռուստաալիքները կարող են արգելափակել Օզիլին, չցուցադրել «Արսենալ»-ի բոլոր խաղերն ընթացիկ մրցաշրջանում, բայց ճշմարտությունը կհաղթի:
Կոմպարտիան չի կարող թաքցնել մարդու իրավունքների ծայրահեղ խախտումները, որոնք թույլ են տրվում ույղուրների և աշխարհի մյուս կրոնական դավանանքների ներկայացուցիչների դեմ»,-գրել է Պոմպեոն Twitter-ի իր էջում։
China’s Communist Party propaganda outlets can censor @MesutOzil1088 and @Arsenal’s games all season long, but the truth will prevail. The CCP can’t hide its gross #HumanRights violations perpetrated against Uighurs and other religious faiths from the world.
— Secretary Pompeo (@SecPompeo) December 17, 2019
Հիշեցնենք, որ Օզիլի էջերը չինական սոցցանցերում արգելափակվել են, իսկ «M10» ֆան-ակումբը, որում ավելի քան 30 հազար մարդ կա, լուծարվել է: Չինական իշխանությունների կողմից հրահանգ է եղել նաև որոնողական համակարգերից հեռացնելու գերմանացի ֆուտբոլիստի անունը:
Ավելի ուշ Մեսութը հեռացրել էր թվիթերյան գրառումը: