Azat.TV մեդիանախաձեռնության համահիմնադիր Նարեկ Այվազյանը Facebook-ում գրել է.
Արցախում իրավիճակը և՛ բարդ է, և՛ հասկանալի: Նախագահի ընտրություններ են, չնայած հաստատված կորոնավիրուս չկա, սակայն տարբեր կողմերից հնչում են արտակարգ դրություն մտցնելու պահանջներ և կոչեր: Ներքին հարցը, որ բոլորիս է վերաբերվում, նույնքան էլ շատ հանգամանքներով պայմանավորված հեռու է պահում, քանի որ Հայաստանը պետք է սատար կանգնի բոլոր կողմերին, որպեսզի իրավիճակի անհարկի լարում չառաջանա, իսկ Հայաստանի փաստացի մաս կազմող Արցախն իր ընտրական կամքն արտահայտի:
Գիտենք, որ բոլորիս շնչին անկշտաբար հետևող հակառակորդը ցանկացած պահի կարա առիթավորվի՝ հաշվի չառնելով պանդեմիան, հաշվի չառնելով Գուտերեշի խաղաղության խոսքը և ԵԱՀԿ Մինսկի խմբին, և գնա սադրանքի մեր ոխերիմ բարեկամների հրահմամբ ու միայն սթափվի խիստ հակահարվածից: Եվ միևնույն ժամանակ, բոլորս էլ գիտենք, որ առիթ պետք չէ ստեղծել, որ հրահրեն, ու սադրեն: Չի՛ կարելի կրակի վրա բենզին լցնել, չի՛ կարելի այլոց ջրաղացին ջուր լցնել և այլն…
Այդ իմաստով, հորդորում եմ բոլորին, որպեսզի զերծ մնան զոռբայությունից, զերծ մնան իրարանցում ստեղծելուց, զերծ մնան «հյուսիսային» ագենտուրայի հետ գործակցելուց, քանի որ ցանկացած սխալ կարող է բերել անդառնալի հետևանքների:
Քննադատությունները, գնահատականները շատ զգուշավոր պետք է լինեն՝ չխարխլելու հայկական միասնությունն այս ծանրագույն ժամանակներում: Հուսանք, որ վարակը չի ներթափանցի Արցախ: Չնայած, որ անկախ ընտրական պրոցեսից, կարծում եմ, որ միևնույնն է ինչոր պահից այնտեղ էլ կհասնի:
Առողջ կացեք
ի խորոց սրտի
https://www.facebook.com/NarekMasisAyvazyan/posts/3872417192770146
