Քաղաքականություն

Ռիքերը կանխարգելում է պուծինյան «արշավանքի» հետևանքները

ԵԱՀԿ ՄԽ ԱՄՆ համանախագահ, Միացյալ Նահանգների Պետդեպարտամենտի՝ Կովկասում բանակցությունների գծով ավագ խորհրդական Ֆիլիպ Ռիքերի գործուղումը տարածաշրջան կատարվեց՝ իմի բերելու նոր զարգացումները՝ «շաքարով կտրելու» պուծինյան արշավանքը դեպի Հայաստան՝ անգործունակ ՀԱՊԿ-ի շրջանականերում, ինչպես նաև Ֆրանսիայի սենատի կողմից Արցախի Հանրապետության ճանաչման ու Ադրբեջանի վրա սանկցիաների կիրառման բանաձևից սանձահարված Ալիևի դեմարշն ընդդեմ ԵՄ-ում տեղի ունենալիք հանդիպմանը։

Ռիքերի գործունեությունը տարածաշրջանում միանշանակ ամեն բան կգցի տեղը։ Սա արժե դիտարկել այն հարթության մեջ, որ եթե պլանավորած ինչ-որ գործողություններ էին նախապատրաստել և իրականացնում նոյեմբերի 9-ի եռակողմ հայտարարությունը կնքած երեք երկրների ղեկավարները՝ ամեն մեկն իր մոտիվացիայից ելնելով, ապա այն ԱՄՆ-ը կանխարգելում է։ Իսկ գործիքակազմերը շատ հստակ են՝ մեկ քայլով ծանր կշիռ հաղորդել ֆրանսիական սենատի բանաձևին, կազմաքանդել ալիևյան կրիմինալիզացված համակարգը ներսից, սառեցնել բացահայտված ու չբացահայտված հարյուրավոր միլիարդանոց հաշիվները, ինչից որ ամենաշատն է սարսափում։

Հայաստանին մնում է իր ինքնիշխան դիրքերը պահել, չտրվել սադրանքներին, շանտաժներին ու ահաբեկումներին, ինչպես նաև հստակ քայլերի գնալ։ Օրինակ, ՀԱՊԿ, ԵԱՏՄ, ԱՊՀ և այլ նմանատիպ վնասակար կառույցներից դուրս գալ, որոնց միջոցով թշնամանական երկրները կարող են կազմակերպության անդամ իրենց բարեկամ երկրների միջոցով Հայաստանի ու Արցախի անվտանգության, պաշտպանության և այլ ոլորտենրին առնչվող ծավալուն տվյալներ հավաքագրել։

Նարեկ Այվազյան

azat.tv մեդիանախաձեռնության հիմնադիր

ԱՄԵՆԱԴԻՏՎԱԾՆԵՐԸ

ՎԵՐ