Երեկ՝ դեկտեմբերի 2-ին, մահվան ելքով ավտովթար է տեղի ունեցել Գորիս Ստեփանակերտ ճանապարհի 6-րդ կիլոմետրին։
Այս մասին հայտնում են ՀՀ ոստիկանությունից։
Նշվում է, որ դեպքը տեղի է ունեցել ժամը 19:20-ի սահմաններում։
Ըստ աղբյուրի՝ միմյանց են բախվել «ՎԱԶ-2101» ավտոմեքենան ու «ԿամԱԶ -65115» բեռնատարը։
Վթարի արդյունքում «ՎԱԶ-2101»-ի վարորդն ու 2 ուղևորները տեղափոխվել են հիվանդանոց, որտեղ ուղևորներից մեկը՝ Գարուն Էլյազյանը, մահացել է։
Ոստիկանությունից հայտնում են, որ կատարվում է քննություն։

