Բանգլադեշում տղամարդուն ամբոխը ծեծելով սպանել է, քանի որ վերջինս կանգնել էր Ղուրանի վրա։
Այս մասին հայտնում է AFP-ն։
Նշվում է, որ ոստիկանությունը կալանավորել էր Բուրիմարիի մզկիթում Զուրանի վրա կանգնած երկու տղամարդու։ Նրանք գտնվում էին քաղխորհրդի շենքում, երբ ավելի քան 1000 հոգանոց ամբոխը ներխուժել է շենք ու բռնել կալանավորվածներից մեկին։
Ըստ աղբյուրի՝ ոստիկանությունը կրակոցներ է արձակել, սակայն չի հաջողվել զսպել կատաղած մարդկանց ու նրանք ծեծելով սպանել են տղամարդուն, որից հետո այրել են գրասենյակի շենքն ու սպանվածի դին։
