Հանրահայտ Mattel ընկերությունը միջազգային օլիմպիական կոմիտեի հետ համաձայնագրի շրջանակներում, Տոկիոյի օլիմպիական խաղերին նվիրված խաղալիքների հավաքածու է թողարկել:
Դրանց վրա կարտացոլվեն օլիմպիական խաղերի ծրագրում ընդգրկված նոր մարզաձևերը / բեյսբոլ / սոֆտբոլ, ժայռամագլցում, կարատե, սքեյթբորդինգ և սյորֆինգ /:
«Բարբի» տիկնիկների, ավտոմեքենաների և սեղանային խաղերի վրա կդրոշմվեն «Տոկիո – 2020» – ի խորհրդանիշերը:
Mattel ընկերության արտադրատեսակների հավաքածուները, մինչ համաշխարհային գլխավոր մարզահանդեսի սկսվելը, տեղ կգտնեն աշխարհի տարբեր անկյունների վաճառակետերում:
Այս մասին տեղեկացնում են ՀԱՕԿ պաշտոնական կայքից։