Ղրղզստանի առողջապահության և սոցիալական զարգացման նախարարությունը հայտնել է, որ Տաջիկստանի հետ սահմանին զինված բախումների ընթացքում զոհված ղրղզ բնակիչների թիվը հասել է 34-ի:
«Վերջին տվյալների համաձայն՝ տուժածների ընդհանուր թիվը կազմում է 173 մարդ, որից 34-ը զոհվել են», – ասված է հաղորդագրությունում։
Ավելի վաղ գերատեսչությունը հայտնել էր 33 մահացածի մասին:
Նախարարության տվյալներով՝ 173 տուժածներից 31-ը զինվորականներ են, մեկը՝ բուժաշխատող, 131-ը՝ քաղաքացիական անձինք, մյուս 10-ի վերաբերյալ տվյալները դեռ ճշտվում են։