Billboard-ը սեպտեմբերի 9-ին Նյու Յորքի SoHo House սրահում անցկացրել է 2026 թվականի R&B/Hip-Hop Power Players ամենամյա հանդիսությունը՝ մեծարելով երաժշտական ոլորտի առաջատարներին և նորահայտ տաղանդներին, հայտնում է Mix93-ը։
Միջոցառման ընթացքում երգչուհի Kehlani-ն ճանաչվել է «Տարվա R&B արտիստ»։ Իր ելույթում նա հատուկ ընդգծել է իր մենեջեր Դեվիդ Ալիի դերը, ով Above Ground Entertainment-ի գլխավոր տնօրենն է և ավելի քան տասը տարի ղեկավարում է Kehlani-ի կարիերան։ Ալին արժանացել է «Տարվա R&B/Hip-Hop թոփ-մենեջեր» (Executive of the Year) մրցանակին։
Երեկոյի ընթացքում հատուկ պատվի են արժանացել նաև Ֆիլադելֆիայից սերված լեգենդար երաժիշտները։ The Roots խումբը ներառվել է Billboard-ի «Հիփ-հոփի փառքի սրահում» (Hip-Hop Hall of Fame)՝ կենդանի երաժշտությունն ու հիփ-հոփը տասնամյակներ շարունակ միախառնելու վաստակի համար։ R&B-ի և սոուլի հայտնի կատարող Jill Scott-ն արժանացել է Billboard-ի «R&B փառքի սրահի» մրցանակին։
Մրցանակաբաշխությունը նաև ուշադրություն է դարձրել երիտասարդ կատարողներին։ Samara Cyn-ը ստացել է «Հիփ-հոփի ծագող աստղ», Destin Conrad-ը՝ «R&B ծագող աստղ», իսկ Skippa-ն դարձել է առաջին արտիստը, ով արժանացել է Billboard-ի «Կարիբյան երաժշտության ծագող աստղ» մրցանակին։ Սեպտեմբերի 10-ին Brooklyn Steel-ում անցկացվել է R&B/Hip-Hop Live համերգը, որտեղ ելույթ են ունեցել ինչպես նորանշանակ մրցանակակիրները, այնպես էլ Lucky Daye-ն, Yung Miami-ն և kwn-ը։