Brexit-ը կարող է հանգեցնել երկրների բարեկեցության ոչ մեծ անկման: Այս մասին հայտնել է Եվրոպայի կենտրոնական բանկի նախագահ Քրիստին Լագարդը CBS հեռուստաալիքին տված հարցազրույցում:
«Brexit-ը մեծ տխրություն է ինձ համար: Վշտալի է տեսնել, որ բրիտանացիները դուրս են գալիս Եվրամիությունից։ Դա կազդի ինչպես Մեծ Բրիտանիայի, այնպես էլ որոշ երկրների՝ Իռլանդիայի, Գերմանիայի, Հոլանդիայի վրա»,-ասել է Լեգարդը՝ նշելով, որ բոլորն էլ փոքր-ինչ կզգան անկումը բարեկեցության առումով ու դա կվերաբերի ամբողջ աշխարհին:
Բրիտանական խորհրդարանի հոկտեմբերի 19-ի արտահերթ նիստում ձախողվել է Համայնքների պալատով ԵՄ-ի հետ համաձայնագրի նախագիծն անցկացնելու կառավարության փորձը: