Համացանցում տարածվել էր Արցախյան հերոսամարտի զոհերի հիշատակի առթիվ իբրև ԵՊԼՀ ՈՒԽ-ի կողմից ուղարկված ծաղկեպսակի լուսանկար, որի վրա լատինատառ գրված էր՝ «eplh usanoxakan xorhrdic»:
Սակայն բուհի ուսանողական խորհուրդը հանդես է եկել հայտարարությամբ՝ հերքելով, որ այդ պսակը ուղարկվել է իրենց կողմից:
«ԵՊԼՀ ուսանողական խորհուրդը պաշտոնապես հերքում է, որ այս ծաղկեպսակն ուղարկվել է մեր կողմից և հորդորում բոլոր լրատվականներին տարածել լուրն առ այն, որ ներկայիս ԵՊԼՀ ՈՒԽ-ը ոչ մի առնչություն չունի այս ծաղկեպսակի հետ։
Հարգենք Արցախյան հերոսամարտի զոհերի հիշատակը, և նման սուրբ ու հաղթական օրը չպղծենք նենգությամբ։
Շնորհավոր մայիսի 9»,- ասված է գրառման մեջ:
ԿԳՆ Արայիկ Հարությունյանը լրագրողների հետ զրույցի ընթացքում անդրադարձել է այս միջադեպին՝ նշելով, որ կատարյալ ստորություն է այս տոներն օգտագործել տարբեր համալսարանների և ուսխորհուրդների հետ ինչ-ինչ հաշիվներ մաքրելու համար:
«Լատինատառ ծաղկեպսակը սադրանք էր»,- հավելել է նախարարը:
