Չեռնոգորիան կբացի իր սահմանները այն ռուս զբոսաշրջիկների համար, ովքեր կունենան Sputnik V պատվաստանյութի պատվաստման վկայագիր: Այս մասին Eadaily-ի փոխանցմամբ հայտարարել է Չեռնոգորիայի տնտեսական զարգացման նախարարության զբոսաշրջության հարցերով պետքարտուղար Իվանա Ջուրովիչը։
«Չեռնոգորիայի սահմանները բաց են Ռուսաստանից ժամանած զբոսաշրջիկների համար: ՌԴ քաղաքացիները կարող են վստահ լինել, որ կկարողանան Չեռնոգորիա գալ՝ Sputnik V պատվաստանյութի վկայագրով», – ասել է Ջուրովիրը:
Նա պարզաբանել է, որ պատվաստումը հաստատող վկայագիր պետք է տրվի երկիր ժամանելուց առնվազն մեկ շաբաթ առաջ:
Այն հանգստացողները, ովքեր դեռ չեն պատվաստվել, պետք է ներկայացնեն բացասական PCR թեստ կամ հակամարմինների առկայությունը հաստատող փաստաթուղթ:
Արմինե Հարությունյան