Apple TV+ հարթակը հայտարարել է «Շաքար» (Sugar) դետեկտիվ դրամայի երկրորդ եթերաշրջանի մեկնարկի մասին, որը տեղի կունենա 2026 թվականի հունիսի 19-ին։ Գլխավոր դերում կրկին հանդես է գալիս հոլիվուդյան աստղ Քոլին Ֆարելը, որը մարմնավորում է դետեկտիվ Ջոն Շաքարին։
Պրեմիերային ընդառաջ՝ Apple TV+-ը հրապարակել է առաջին սերիայի անոնսը, որը կրում է «Տուն՝ հեռու տանից» (Home Away from Home) խորագիրը։ Տեսանյութում Ֆարելի հերոսը փորձում է կապ հաստատել իր հայրենի աշխարհի ներկայացուցիչների հետ՝ միաժամանակ շարունակելով իր հետաքննչական աշխատանքը Լոս Անջելեսում։
Գործադիր պրոդյուսերի դերում
Ի լրումն դերասանական խաղի՝ Քոլին Ֆարելը ստանձնել է նաև նախագծի գործադիր պրոդյուսերի պարտականությունները։ Երկրորդ եթերաշրջանում սյուժեն կենտրոնանում է անհետ կորած անձի որոնման վրա. Ջոն Շաքարը պետք է գտնի տեղացի բռնցքամարտիկ Դենի Մունի (դերում՝ Ջին Հա) եղբորը։
Ութ սերիայից բաղկացած նոր եթերաշրջանը համալրվել է նոր դերասանական կազմով, այդ թվում՝ Ռեյմոնդ Լի, Թոնի Դալթոն, Լորա Դոնելի, Սաշա Կալյե և հատուկ հյուր Շեյ Ուիգեմ։ Սերիալի շոուրաներն է Սեմ Կետլինը, իսկ ստեղծողը՝ Մարկ Պրոտոսևիչը։