Իրավական

Դատախազությունը միջնորդություն է ներկայացրել, որ Մարտի 1-ի գործով դատը հետաձգեն

Երևանի ընդհանուր իրավասության դատարանում ընթանում է ՍԴ-ի՝ ՔՕ 300.1 հոդվածը հակասահմանադրական ճանաչելուց հետո հրավիրված «Մարտի 1»-ի գործով դատական նիստը:

Նիստի սկզբում նախագահող դատավոր Աննա Դանիբեկյանը նշեց, որ դատախազ Գևորգ Բաղդասարյանի կողմից գրություն է ստացվել, որում միջնորդություն է ներկայացրել դատը հետաձգել ապրիլի 6-ին:

«Մարտի 29-ի երեկոյան հրապարակվել է Ռոբերտ Քոչարյանի և Երևան քաղաքի առաջին ատյանի ընդհանուր իրավասության դատարանի դիմումների հիման վրա ՀՀ ՔՕ 300.1 հոդվածի՝ Սահմանադրության համապատասխանելիության որոշման հարցի վերաբերյալ գործը: Նկատի ունենալով, որ առկա է նշված որոշման հիման վրա դատարանի կողմից կիրառման ենթակա ՀՀ Քրեական դատավարության օրենսգրքի նորմի՝ Սահմանադրությանը համապատասխանելիության խնդիր, այդ կապակցությամբ դատարան ներկայացվելու համար նախապատրաստվում է ծավալուն միջնորդություն, որը հնարավոր չէ կազմել մինչև դատական նիստը և դատը հետաձգել, նշանակել նախապես որոշված ժամանակացույցի՝ 2021 թվականի ապրիլի 6-ին»,- նշված էր գրության մեջ:

Հիշեցնենք, որ գործով անցնում են Ռոբերտ Քոչարյանը, Սեյրան Օհանյանը, Արմեն Գևորգյանը և Յուրի Խաչատուրովը։ Նիստին ներկա է նաև Ռոբերտ Քոչարյանը։

Հիշեցնենք նաև, որ Սահմանադրական դատարանը հակասահմանադրական և անվավեր էր ճանաչել ՔՕ 300.1 հոդվածը։

ՎԵՐՋԻՆ ԼՈւՐԵՐ

ՎԵՐԵՎ