AP լրատվական գործակալությունը հայտնում է, որ չնայած կորոնավիրուսի պանդեմիան դեռ շարունակվում է, Դուբայը այսօրվանից սկսել է հյուրեր ընդունել աշխարհի տարբեր կողմերից։
Դուբայի իշխանությունները վարակի տարածումը կանխելու համար ինքնաթիռով էմիրություն ժամանողներից պահանջելու են մինչև 3 օրում իրականացված կորոնավիրուսի հետազոտություն։
Այն ուղևորները, ովքեր չունեն այդպիսի հետազոտության հավաստագիր, ապա պետք է հենց օդանավակայանում թեստ հանձնեն։
Մինչ թեստի արդյունքների հայտնի դառնալը, ժամանողները ստիպված կլինեն մեկուսանալ։
