Երևան է գալիս Ռուսաստանի վարչապետը

Այսօր՝ նոյեմբերի 18-ին, երկօրյա այցով Երևան կայցելի Ռուսաստանի վարչապետ Միխայիլ Միշուստինը։

Այս մասին հայտարարություն է տարածել ՌԴ կառավարությունը։

Նշվում է, որ Միշուստինը մասնակցելու է ԵԱՏՄ միջկառավարական խորհրդի նիստին։

Ըստ աղբյուրի՝ դրան մասնակցելու են նաև Հայաստանի, Բելառուսի, Ղազախստանի, Ղրղզստանի վարչապետերը, ինչպես նաև որպես դիտորդ մասնակցելու են Ուզբեկստանի և Կուբայի ներկայացուցիչները։

Նիստի օրակարգում են ԵԱՏՄ շրջանակներում ինտեգրման խորացման հրատապ խնդիրները։