fbpx
Հասարակություն

Ֆելիքս Ցոլակյանը կմասնակցի ՌԴ Փրկարարի օրվան նվիրված միջոցառումներին

ՀՀ Արտակարգ իրավիճակների նախարարի պաշտոնակատար Ֆելիքս Ցոլակյանը և ԱԻ փոխնախարարի պաշտոնակատար Արկադի Բալյանը երկօրյա այցով մեկնել են Ռուսաստանի Դաշնություն՝ մասնակցելու դեկտեմբերի 18-ին Մոսկվայում կայանալիք ՌԴ Փրկարարի օրվան նվիրված տոնական միջոցառումներին:

Ինչպես «Արմենպրես»-ին տեղեկացրին ՀՀ ԱԻՆ լրատվական ծառայությունից, ՌԴ Փրկարարի օրվա կապակցությամբ տոնական հանդիսությունները, որպես մասնագիտական տոն, անցկացվում են յուրաքանչյուր տարի: Միջոցառման մասնակցության համար հրավիրված են գործընկեր երկրների արտակարգ իրավիճակների ոլորտի լիազոր մարմինների ղեկավարներ, հրշեջ-փրկարարներ, միջազգային կազմակերպությունների, օտարերկրյա պետությունների, գործարար միջավայրի, ինչպես նաև գիտական հասարակության ներկայացուցիչներ, որոնք իրենց աջակցությունն են ցուցաբերում արտակարգ իրավիճակների /բնածին, տեխնածին/ բնագավառում տարածաշրջանային կայունության ամրապնդման, բնակչության պաշտպանության, քաղաքացիական պաշտպանության, տարերային աղետների հետևանքների վերացման ապահովմանն ուղղված համատեղ նախաձեռնություններում:

Արտակարգ իրավիճակների բնագավառում իրականացվող կառուցողական համագործակցությունը միջազգային և տարածաշրջանային բազմակողմ ձևաչափերի շրջանակներում՝ նոր հնարավորություններ կընձեռի քննարկելու աղետների ռիսկերի նվազեցմանն ուղղված համալիր գործողությունների իրականացման, քաղաքացիական պաշտպանության և տարերային աղետների հետևանքների վերացմանն առնչվող բազմաթիվ օրակարգային հարցեր:

ԱՄԵՆԱԴԻՏՎԱԾՆԵՐԸ

ՎԵՐ