Մայիսի 4-ին լրագրողների հետ զրույցում Սյունիքի մարզպետ Հունան Պողոսյանը նշեց, որ Սյունիքում շատ խնդիրներ կան, և լուծվում են գրեթե բոլորը, համենայնդեպս իր թիմը ձեռնամուխ է եղել այդ խնդիրների լուծմանը։ Սակայն մարզպետը չցանկացավ բացահայտել, թե ինչ ներդրումներ են նախատեսվում
«Ներդրումային ծրագրեր շատ կան, բայց մենք ցանկանում ենք դա պահել հատուկ ամսի 25-ին, մայիսի 25-ին մեզ մոտ անցկացվելու է նմանատիպ ֆորում», – ասաց Հունանյանը՝ հայտարարելով, թե գրեթե բոլոր ոլորտների մասով կան ներդրումային ծրագրեր։
Նա նշեց, որ ներդրումների մեծ մասը վերաբերում է արդյունաբերության, մասնավորապես՝ հանքարդյունաբերության, ինչպես նաև գյուղատնտեսության ու զբոսաշրջության ոլորտներին։
