Լոնդոնում կայացած Տոկիոյի օլիմպիական խաղերի բռնցքամարտի վարկանշային մրցաշարի ժամանակ, երկրորդ օրը Հայաստանի հավաքականի կազմից մասնակցել է Նարեկ Մանասյանը: Բռնցքամարտիկը մրցել է 91 կգ քաշային կարգում և հաղթանակ է տարել հունգարացի մարզիկ՝ Ադամ Հումորի նկատմամբ:
Հատկանշական է, որ Նարեկ Մանասյանի համար, երկարատև դադարից հետո, սա առաջին պաշտոնական մրցումն էր, քանի որ մարզիկը լուրջ վնասվածք ուներ և երկար ժամանակ բուժվում էր: Բայց ոչինչ չի խանգարել մարզիկին իրեն լավագույնս դրսևորել և մրցավարների կողմից միաձայն հաղթանակի արժանանալ:
