Հուլիսի 24-ին ՀՀ առողջապահության նախարարությունը հաղորդագրություն է տարածել, որում հայտնել է, որ հեպատիտի դեմ պայքարի օրվա շրջանակներում կազմակերպվում են հեպատիտ Ց-ի, հեպատիտ Բ-ի և ՄԻԱՎ-ի, սիֆիլիսի անվճար, անանուն և արագ հետազոտություններ, ինչպես նաև կտրամադրվի տեղեկատվություն հետազոտության կարևորության մասին։
«Հետազոտությունը կատարվելու է հարմարեցված և անհրաժեշտ բժշկական սարքավորումներով հագեցած «Գազոն» ավտոմեքենայում՝ ՀՀ ԱՆ «Ինֆեկցիոն հիվանդությունների ազգային կենտրոնի» լաբորատորիայի մասնագետների կողմից, որն ուղեկցվելու է նախաթեստային և հետթեստային խորհրդատվությամբ:
- 250 նոր դեպք, 162 ապաքինված ու 5 մահ․ կորոնավիրուսը Հայաստանում
- Արցախում 2021-ին կատարվել է կորոնավիրուսի ուղիղ 10 հազար թեստավորում
Միջոցառման ժամանակացույցը`
Հուլիսի 27, ք.Սպիտակ` ժամը 13:00-18:00-ը կենտրոնական հրապարակ, Դանիելյան սուպերմարկետի հարևանությամբ:
Հուլիսի 28, ք.Երևան` ժամը 14:00-20:00-ը Գարեգին Նժդեհի հրապարակ:
Նշենք, որ հանրային միջոցառումը կազմակերպվում է ՀՀ ԱՆ «Ինֆեկցիոն հիվանդությունների ազգային կենտրոն» ՓԲԸ-ի կողմից՝ ՄԱԿ-ի ՄԻԱՎ/ՁԻԱՀ-ի միացյալ ծրագրի աջակցությամբ Ռուսաստանի Դաշնության օգնության ծրագրի շրջանակում»,- ասված է հաղորդագրության մեջ։
