Բնապահպանության և ընդերքի տեսչական մարմինը հայտնել է, որ կառույցի ուշադրության կենտրոնում է մշտապես հողի բերրի շերտի նպատակային և արդյունավետ օգտագործման, տեղափոխման նկատմամբ բնապահպանական օրենսդրության պահանջների պահպանման կատարումը։
«Հերթական վերահսկողական լայնածավալ միջոցառման արդյունքում Սևան-Երևան մայրուղու Արզնի և Չարենցավան համայնքների հատվածում հայտնաբերվել է առանց համապատասխան փաստաթղթերի հողի բերրի շերտի տեղափոխման 3 դեպք։
- Բնապահպանության և ընդերքի տեսչական մարմինն արձանագրել է 8 մլն դրամից ավել վնաս
- Բնապահպանության և ընդերքի տեսչական մարմինը ժամանակավորապես դադարեցրել է քաղաքացիների ընդունելությունը
Հայտնաբերված դեպքերով նշանակվել են վարչական տուգանքներ, ընդհանուր՝ 150 000 ՀՀ դրամի չափով։
Բեռնատար ավտոմեքենաներով ապօրինի տեղափոխվող շուրջ 24 խմ սևահողը հանձնվել է համայնքներին։
Միջոցառումները շարունակվում են»,- ասվում է հաղորդագրության մեջ։